Հերանուշ Արշակեան։ Պոլսահայ գրող, ծնած է 1887ին։ Մահացած է 17 տարեկանին, ետին ձգելով բանաստեղծութիւններ, արձակ էջեր եւ վէպ մը։ Գրեթէ անյայտ գրողին մասին իմացանք Ակօսի ռատիօն լսելու ատեն (թրքերէնով՝ կարելի է լսել այստեղ), այս շաբաթ օր, երբ «Յանկարծ» թատրոնի խումբի անդամները յայտնեցին, թէ իր մասին թատերգրութիւն մը պատրաստած են։ Շնորհակալութիւն «Յանկարծ»։
Կենսագրութիւնը եւ բանաստեղծութիւնները ամփոփող գիրք մը հրատարակուած է Փարիզ, 1910ին։ Թուայնացուած է Հայաստանի ազգային գրադարան-ի կողմէ, որ կարելի է գտնել այստեղ։