Ես Սիրան Գեսգինն եմ։ 1963ին Իսթանպուլի Պաքըրգիւղ թաղամասը ծնած եմ։ Մեզի համար լիքէօրը մեր տօնական ու յատուկ օրերուն անհրաժեշտ հրամցուքն է։ Տեսակ տեսակ լիքէօրներ անպայման պէտք է տունը պատրաստ ըլլան եւ հրամցուին հիւրերուն։ Բալի լիքէօրը ամէն եղանակ պատրաստելը կարելի չէ, բայց կաթի լիքէօր պակաս չըլլար տուներէն։ Մանաւանդ երբ երախայ մը ծնի, կնունքի շրջանին անպայման կաթի խմիչքնիս կը պատրաստենք ու մեր ուրախութիւնը բաժնելու համար հիւրերուն կը հրամցնենք։