Վալանթայնին մինակ ըլլալէն աւելի փիս բաներ
14/02/2022
- Մարդիկ որ կը ժպտան պարապի
- Հոտած ոտքերով սիրահար ունենալ
- Սիրահարիդ պարտատէրը քեզի կը զանգէ
- Լեղի վարունգ
- Հայերէնի ուսուցիչդ կը գտնէ գաղտնի սիրային նամակդ եւ կարմիր մելանով կը սրբագրէ
- Հազիւ կու գայ երկար սպասածդ պատգամը, հեռաձայնդ կը մարի եւ քանի որ Հալէպի կամ Պէյրութի մէջ ես, ելեկտրականութիւն ալ չկայ… քաք
- Ուայֆայը բան մը ունի
- Եբրէք չես գիտեր երբեքը էով է թէ եչով
- Սիրահարդ հարիւր տոկոս սուտ կը խօսի, բայց չես կրնար փաստել
- Վերմակ մը որ միշտ կարճ է ոտքերէդ
- Սիրահարդ միայն սիրահարներու օրը կը յիշէ որ սիրահար էք
- Ինքնավստահութիւնդ կորսնցուցած ես այս վերջին սիրահարիդ հետ ըլլալէն ի վեր
- Երկուշաբթի առտու
- Ակումբի վալանթայնի փարթիները…
- Գործի տեղը մէկը որ միշտ փաթրօնին սպասած խօսքը կ՚ըսէ
- Բարձ մը որ միշտ անհանգիստ է
- Վազելով տուն կու գաս, երազելով երեկուան աւելցած կարկանդակը, կը տեսնես որ սիրահարդ լափեր է
- Եղունգի ծայրի պզտիկ վէրք որ երբ փրցնես մորթը աւելի մեծ վէրք կ՚ըլլայ եւ աւելի կը ցաւի
- Միշտ գէշ սուրճ շինող սիրահար
- Գիտակցութիւնը որ ալ այդ օրերը երբե(է)ք ետ պիտի չգան
Պատրաստուած է ներշնչուելով այս յօդուածէն։
